Reprinted

BAGONG TAON BAGONG PAG-ASA

Isang taon na naman ang lumipas

Isang taong puno ng misteryo ng buhay

May saya,lungkot,pighati,katuwaan

Mga taong dumaan at umalis sa buhay mo

Mga desisyong pinagsisihan

Mga bagay na gustong maulit

Pero ang mahalaga

Sa bawat karanasan may aral na maiiwan

Kung anuman ang pinagdaanan natin sa nakalipas na taon

sana maging gabay natin ito

May mga bagay na dapat natin alalahanin

at mayroon din dapat ng limutin

Harapin natin na may ngiti

at puno ng pag-asa ang darating na taon

Sa pag umpisa ng taon

Panibagong pag-asa

Panibagong buhay

Madami kang gustong gawin

Mga bagay na gustong itama

Mga ugaling gustong baguhin

Mga pangarap na gustong abutin

Minsan naisip ko

Ano nga kaya ang pwedeng

mangyari ngayon taon?

Ano kayang bagay ang magpapasaya

at mag papaluha sa atin?

Sino nga ba ang nakakaalam?

Sino nga ba ang makakapagsabi kung ano

ang dala sa atin ng bagong taon?

Pero kung anuman ang dala ng bagong taon sa atin

Kung anuman ang pwedeng mangyari

Sana huwag mong kakalimutan

na laging humingi ng gabay sa ating panginoon

Mahiwaga lang talaga ang buhay

Minsan kahit nakaplano na ito

Sa isang iglap pwedeng magbago ang lahat

Sa buhay natin minsan lang

dadaan ang pagkakataon

May mga bagay na kahit gusto mong

ulitin hindi na pwede

Kaya sa bawat araw gawin mong makabuluhan

At masaya ang buhay mo

Huwag mong hayaan matali ka sa nakaraan

Lagi mong iisip na sa bawat araw

May bagong pag-asa

Kaya sa bagong taon harapin mo ito

ng maysaya at ngiti

Kung hindi mo man nakamit noong nakaraan taon

ang mga pangarap mo baka ngayon taon na

Basta huwag ka lang susuko

Sabi nga nila

“ The winners never quit

And the quitters never win”...